«Ալաշկերտի» պատանի ֆուտբոլիստները նաև Երևանի թիվ 127 ավագ դպրոցի սաներ են: Նրանք հաղթող դարձան Հայաստանի դպրոցականների 23-րդ մարզական խաղերում։
Մարզիչներ Սերգեյ և Նշան Էրզրումյանների սաները, Չարենցավանում կայացած եզրափակիչ փուլում 4։0 և 3։0 հաշիվներով հաղթելով Վարդենիսի և Գյումրիի դպրոցականների թիմերին, եզրափակչում հանդես գալու իրավունք ստացան: Իսկ վճռական խաղում նրանք 3:0 հաշվով առավելության հասան Չարենցավանը ներկայացնող թիմի նկատմամբ:
Հայաստանի չեմպիոնն իրավունք ստացավ մասնակցելու 2015-ի ապրիլի 12-20-ը Գվատեմալայում կայանալիք դպրոցականների աշխարհի անդրանիկ առաջնությանը։
