Երևանի «Ուլիսի» 19-ամյա կիսապաշտպան Լուբամբո Մուսոնդան հրավեր է ստացել և առաջիկայում կհամալրի Զամբիայի հավաքականը: Վերջինս պայքարում է Աֆրիկայի ազգերի գավաթի 2015-ի խաղարկության եզրափակչին մասնակցելու համար: Ընտրական մրցաշարում Զամբիայի հավաքականը վաստակել է 5 միավոր և խմբում երկրորդ տեղում է:
Նոյեմբերի 15-ին և 19-ին զամբիացիները մրցելու են Մոզամբիկի և Կապե Վերդեյի հավաքականների հետ:
Մուսոնդան ընթացիկ մրցաշրջանում Հայաստանի առաջնությունում դարձել է երկու գոլի հեղինակ:
