Հայաստանի ֆուտբոլի հավաքականի պաշտպան Լևոն Հայրապետյանը վերջապես Չեխիայի ընթացիկ առաջնությունում իր թիմի՝ «Պրիբրամի» կազմում առաջին հանդիպումն անցկացրեց:
13-րդ տուրի «Դուկլայի» հետ խաղում 25-ամյա ֆուտբոլիստը փոխարինման դուրս եկավ 90-րդ րոպեին: Հանդիպումն ավարտվեց 0:0 հաշվով: Կարելի է ասել, որ Հայրապետյանը վերադարձել է թիմ, բայց գրեթե չի խաղացել:
Հիշեցնենք, որ հայ ֆուտբոլիստը վնասվածքն ապաքինվելուց հետո խաղացել է «Պրիբրամի» երիտասարդական թիմում, նաև նախորդ խաղում գոլի հեղինակ է դարձել:
Ի դեպ, «Պրիբրամի» կազմում չխաղալն ամենևին էլ պատճառ չէր, որ Լևոնը հանդես չգա Հայաաստնի հավաքականի կազմում: