Ֆուտբոլի անգլիացի ճանաչված մրցավար Մարկ Կալտենբուրգը պատժվել է: Նա չի վարի Անգլիայի ֆուտբոլի առաջնության առաջիկա տուրի որևէ խաղ:
Մրցավարը բաց կթողնի մեկ տուր : Պատճառն այն է, որ նա խախտել է կարգը: Մասնավորապես, «Վեսթ Հեմ» - «Քրիստալ Փելաս» խաղի (2:2) ավարտից հետո 39-ամյա մրցավարը հեռախոսազրույց է ունեցել վերջին թիմի գլխավոր մարզիչ Նիլ Ուորնոքի հետ, մինչդեռ, զրույցին պետք է մասնակցեին մրցավարական բրիգադի բոլոր անդամները: Բացի այդ, Կլատենբուրգը միայնակ է հեռացել մարզադաշտից, պատճառաբանելով, որ շտապել է ներկա գտնվել Էդ Շիրանի համերգին:
