Այսօր ֆուտբոլի Գերմանիայի բարձրագույն խմբի առաջնության 10-րդ տուրի շրջանակում Մյունխենի «Բավարիան» սեփական խաղադաշտում կմրցի Հենրիխ Մխիթարյանի թիմի` Դորտմունդի «Բորուսիայի» հետ: Հանդիպումը կսկսվի Երևանի ժամանակով ժամը 21:30-ին:
Գրավախաղերի կազմակերպիչներն ավելի բարձր են դասում տանտերերի թիմի հաղթելու հնարավորությունները: Բուքմեյքերները «Բավարիայի» հաղթանակի համար սահմանել են 1,44 , «Բորուսիայի» հաղթանակի համար՝ 6,5 գործակիցը, իսկ ոչ-ոքին ունի 4,5 գործակից:
Մրցաշարային աղյուսակում «Բավարիան» առաջին, «Բորուսիան» 15-րդ տեղում է:
