Ֆուտբոլի Հայաստանի բարձրագույն խմբի առաջնության 12-րդ տուրի շրջանակում կայացավ երկու խաղ: Ընդ որում, երկուսում էլ խոշոր հաշիվներ գրանցվեցին:
Առաջատարը` «Ուլիսը», հյուրնկալելիս 5:1 հաշվով հաղթեց «Ալաշկերտին»:
«Ուլիսի» խաղացողներից երկու գոլի հեղինակ դարձավ ռուսաստանցի պաշտպան Կոնստանտին Մորոզովը: Աչքի ընկավ նաև Հովհաննես Գոհարյանը և մրցակիցների դարպասը խփած 9 գնդակով գլխավորեց ռմբարկուների ցուցակը
«Ուլիսը» տարավ 11-րդ հաղթանակը և 34 միավորով առաջին հորիզոնականում է: «Ալաշկերտն» ունի 14 միավոր և 4-րդ տեղում է:
«Գանձասարը» Կապանում Գյումրիի «Շիրակին» պարտվեց 0։3 հաշվով։ Հյուրերի կազմում երեք գոլի հեղինակ դարձավ Ժան-Ժակ Բուգուին։
«Շիրակը» 17 միավորով 3-րդ տեղում է, «Գանձասարը» 14 միավորով 5-րդն է։
Տեխնիկական արդյունքներ
Ուլիս» - «Ալաշկերտ»՝ 5:1
Կոնստանտին Մորոզով, 29, 78, Հովհաննես Գոհարյան, 50, Դավիթ Խուրցիձե, 81, Ալիկ Էլյազյան, 90 – Միհրան Մանասյան, 51
«Գանձասար» - «Շիրակ»՝ 0։3
Ժան-Ժակ Բուգուի 6, 55, 67