Նոյեմբերի 7-ին Հայաստանի ֆուտբոլի ազգային հավաքականի հարձակվող Էդգար Մանուչարյանի թիմը` Եկատերինբուրգի «Ուրալը», ֆուտբոլի Ռուսաստանի բարձրագույն խմբի առաջնության 13-րդ տուրի շրջանակում հյուրընկալելու է Կրասնոդարի «Կուբանին»: «Ուրալը» սկսել է նախապատրաստվել այդ խաղին:
Ուրախալի է, որ Մանուչարյանն իր թիմի ընդհանուր մարզվողների շարքում է: Ինչպես հայտնի է, վնասվածքը խանգարել էր հայ ֆուտբոլիստին, որպեսզի նա մասնակցի 12-րդ տուրի «Ռոստովի» հետ հանդիպմանը:
Հիշեցնենք, որ Հայաստանի հավաքականը նոյեմբերի 14-ին արտագնա խաղ է անցկացնելու Պորտուգալիայի ընտրանիի հետ, և ցանկալի է, որ Մանուչարյանը կազմուպատրաստ ներկայանա այդ մրցամարտին: