Ինչպես հայտնի է, ֆուտբոլի Եվրոպայի Չեմպիոնների լիգայի մրցաշարի 4-րդ տուրում Թուրքական «Գալաթասարայը» արտագնա խաղում 1:4 հաշվով պարտվել է Դորտմունդի «Բորուսիային»: Փաստորեն, Թուրքիայի երկայացուցիչները կորցրին բոլոր հնարավորությունները որպեսզի հաջորդ փուլ դուրս գան:
«Սիգնալ-Իդունա Պարկ» մարզադաշտում կայացած այդ խաղում իրենց վատ պահեցին թուրքական ակումբի երկրպագուները: Նրանք շարունակ հրավառ փաթեթներ էին նետում խաղադաշտ և հանդիպումը ընդհատում:
Ընդ որում, չեխ մրցավար Պավել Կրալովեցը ստիպված էր տևական դադարեցնել հանդիպումը, մինչև ոչ ֆուտբոլային կրքերը կհանդարտվեն:
Այդ ընթացքում թուրքական ակումբի ավագ Համիդ Ալթինթոփն ու նրա խաղընկերները փորձում էին հանգստացնել իրենց թիմի երկրպագուներին:
Հանդիպման ավարտին վերջիններս կրկին սկսեցին անկարգություններ անել:Արդեն նրանք հրավառ նյութեր էին նետում Դորտմունդի թիմի երկրպագուների վրա:
«Բորուսիայի» գլխավոր մարզիչ Յուրգեն Կլոպը, խաղից հետո իր վրդովմունքը հայտնելով կատարվածի առիթով, ասել է. «Երկրպագուների նման պահվածքը ստվեր է գցում ֆուտբոլային հանդիպումների վրա, մասնավորապես, ականտես եղանք հիանալի ֆուտբոլի, որի ընթացքում տեղի ունեցած անկարգությունները շատերին խանգարեց խաղից լիարժեք հաճույք ստանալ»:
Դորտմունդցիների ակումբի առաջատար Մարկո Ռոյսը ևս դժգոհել է: «Երբ Կագավան պատրաստվում էր իրացնել անկյունայինը, նրա ուղղությամբ թուրքական թիմի երկրպագուները սկսեցին տարբեր տեսակի իրեր շպրտել: Նման դեպքերում խաղացողները կարող են շատ լուրջ վնասվածքներ ստանալ»,-ասել է նա::
Ինչ խոսք, այս ամենն անպատիժ չի մնա:ՈւԵՖԱ-ն կպատժի թուրքական ֆուտբոլային ակումբին: Թե ինչպիսին կլինի այն, կպարևզվի առաջիկայում: