Ուրուգվայի ֆուտբոլի առաջնությունում ուշադրության կենտրոնում է Կառլոս Քեոսսեյանը: Նրա թիմը՝ «Աթենասը», այդ երկրի առաջնության 12-րդ տուրի շրջանակում հյուրընկալել էր «Տակուարենբուին» և հաղթեց 2:1 հաշվով:
Տանտերերի ակումբի մեկնարկային կազմում էր հայ կիսապաշտպանը: Նա խաղադաշտում մնաց մինչև հանդիպման ավարտը և հեռացավ հաղթանակած: «Աթենասը» վաստակել է 15 միավոր և բաժանում է կիսում է մրցաշարային աղյուսակի 10-րդ տեղերը:
Ի դեպ, Քեոսսեյանը պատրաստակամություն է հայտնել հրավերի դեպքում համալրել Հայաստանի ազգային հավաքականը:
Ինքնին հարց է առաջանում ով է նա:
Կառլոսի նախնիները Հայաստանից հեռացել են 1928-ին: Նա «Ciclón del Cerrito» ակումբի կազմում խաղացել է Ուրուգվայի շրջաննների առաջնությունում: Հետո տեղափոխվել է «Դեֆենսոր Սպորտինգ», սակայն չի հաջողվել թիմի հիմնական կազմում ընդգրկվել: Իսկ ահա, Մոնտեվիդեոյի «Ռասինգի» կազմում նա մասնակցել է Լիբերտադորեսի գավաթի խաղարկությանը: Հետո էլ Կառլոսը մեկնել է Արգենտինա, խաղացել «Տեմպերլեյ» թիմում, ապա վերադարձել Ուրուգվայ` «Աթենաս» ակումբ, որի կազմում էլ մինչ օրս խաղում է: