Նոյեմբերի 14-ին Հայաստանի ֆուտբոլի ազգային հավաքականին Եվրոպայի առաջնության ընտրական մրցաշարի շրջանակում արտագնա դժվարին խաղ է սպասում Պորտուգալիայի ընտրանիի հետ:
Ինչ խոսք, տանտերերի թիմի կազմում ամենից վտանգավորը Մադիդի «Ռեալի» հարձակվող Կրիշտիանու Ռոնալդուն է: Նրա գրոհները չեզոքացնելը շատ դժվար կլինի Հայաստանի հավաքականի խաղացողների համար: Այդ ֆուտբոլիստը գլխացավանք է ցանկացած թիմի խաղացողների համար:
Ուշագրավն այն է, որ Ռոնալդուն ամեն գնով փորձելու է գրավել Հայաստանի հավաքականի դարպասը: Եթե դա նրան հաջողվի անել, ապա կդառնա ռեկորդի հեղինակ:
Ներկայումս Ռոնալդուն Եվրոպայի առաջնությունների ընտրական փուլի, անցումային, եզրափակիչ փուլի խաղերում 22 գնդակ է խփել մրցակիցների դարպասը և Թուրքիայի ազգային հավաքականի նախկին հարձակվող Հաքան Շուքյուրի, Դանիայի ազգային հավաքականի հարձակվող Յոն-Դալ Տոմասոնի հետ գլխավորում է ռմբարկուների ցուցակը: Հաջողության հասնելու դեպքում` նա կարող է առաջ անցնել: