Քիչ առաջ Շվեյցարիայի Նիոն քաղաքում ավարտվեց Եվրոպայի մինչև 17 տարեկան ֆուտբոլիստուհիների առաջնության որակավորման փուլի վիճակահանությունը: Հայաստանի հավաքականն ընդգրկվեց երրորդ խմբում և կմրցի Պորտուգալիայի, Հունաստանի, Իսպանիայի թիմերի հետ:
44 թիմեր բաժանվեցին 11 խմբերի: Հանդիպումները կկայանան 2015-ի օգոստոսի 1-ից հոկտեմբերի 31-ը ընկած ժամանակահատվածում: Յուրաքանչյուր խմբից էլիտ-ռաունդ դուրս կգա 2-ական թիմ, բոլորը կմիանան բարձր վարկանիշ ունեցող Գերմանիայի և Ֆրանսիայի ներկայացուցիչներին: Էլիտ-ռաունդին մասնակցող 24 թիմերից եզրափակիչ մրցաշար դուրս կգա7 թիմ և կմիանա մրցաշարի կազմակերպիչ երկրի՝ Բելառուսի հավաքականը:
Եզրափակիչ մրցաշարը, ըստ նախնական տվյալների, կկայանա 2016-ի մայիսի 4-16-ը:
