Հայաստանի ֆուտբոլի ֆեդերացիայի նախագահ Ռուբեն Հայրապետյանի մամուլի ասուլիսում ասածները զառանցանք անվանելուց հետո, շարունակում է հակադարձել Տուլայի «Արսենալի» հարձակվող Արթուր Մալոյանը, պարզաբանելով, որ «Պորշ» մակնիշի ավտոմեքենա չի պահանջել, ոչ էլ՝ նվեր ստացել, և իրավունք ունի հրապարակավ պատասխանելու: Օգտագործելով համացանցի հնարավորությունները, ահա թե ինչ է ասել Մալոյանը. «Այնպիսի մարդ եմ, որի ոտքերը գետնից կտրված չեն գետնից: Երբեք չեմ երևակայել և հաճախ պարապմունքից հետո տուն եմ գնում երթուղային տաքսիով: Իսկ այնտեղ խոսում են Պորշից … միգուցե միանգամից Վեյրո՞ն: Վեց անգա՞մ հավաքական հրավերից: Ինչու ոչ՝ 10 անգամ: Բանակցություննե՞ր, իսկ տղերքը տեղյակ չեն: Այնտեղ, որտեղ ես եմ ծնվել, դա շուկայում են անում: Իսկ դա բանակցություններ չեն, դա խաբեբայություն է: Այս դեղին լուրն ինչ-որ մեկին ձեռնտու է: Կխնդրեի ինձ չշեղել ֆուտբոլից: Թիմի և երկրպագուների հետ համատեղ ջանքերով պետք է դուրս գանք մրցաշարային աղյուսակի նկուղից»: