Հայաստանի ֆուտբոլի հավաքականի կիսապաշտպան Հենրիխ Մխիթարյանն առաջիկայում հնարավոր է նոր խաղընկեր ունենա: Դորտմունդի «Բորուսիայի» կազմը կարող է համալրի Անդրե Շյուրլեն:
Բանն այն է, որ անգլիական «Չելսի» ակումբի ղեկավարությունը մտադիր է ձեռք բերել Դորտմունդի «Բորուսիայի» հարձակվող Մարկո Ռոյսին: Դրա համար ուշագրավ գործարք է առաջարկվում:
«Չելսին» պատրաստ է որպես փոխհատուցում այդ խաղացողին ձեռք բերելու համար վճարել 20 միլիոն եվրո և հանձնել գերմանացի հարձակվող Անդրե Շյուրլեին:
Հիշեցնենք, որ Ռոյսի աշխատանքային պայմանագիրը գերմանական ակումբի ղեկավարության հետ ուժի մեջ է մինչև 2016 թվականը, բայց 2015-ի ամռանը նրան հնարավոր է գնել` վճարելով 20 միլիոն եվրո:
Ի դեպ, Ռոյսը քանիցս հայտնել է, որ դեմ չէ անգլիական որևէ ակումբ տեղափոխվելու: