Գերմանիայի ֆուտբոլի առաջնության 12-րդ տուրի շրջանակում այսօր Հենրիխ Մխիթարյանի թիմը` Դորտմունդի «Բորուսիան», կհյուրընկալվի «Պադերբոռնին»:
Հայաստանի հավաքականի կիսապաշտպանի թիմը ընթացիկ առաջնությունում ահաջող է հանդես գալիս: Այն կրել է 7 պարտություն, 1 հանդիպում ավարտել ոչ-ոքի և տարել 3 հաղթանակ: Վաստակած 10 միավորով թիմը 15-րդ հորիզոնականում է: «Պադերբոռնը» 15 միավորով 9-րդ տեղում է: Այն ընդամենը 4 պարտություն է կրել, նույնքան հաղթանակ է տարել և 3 հանդիպում ավարտել է ոչ-ոքի: Ուշագրավն այն է, որ թիմը 16 գնդակ է խփել մրցակիցների դարպասը և նույնքան էլ ընդունել սեփականը: Մինչդեռ, «Բորուսիան» մեկ գնդակ ավելի է բաց թողել` 17-ը, իսկ մրցակիցների դարպասը գրավել է ընդամենը 12 անգամ:
Մնում է սպասել, որ մեր ֆուտբոլիստի թիմը այսօր վերելքով հանդես կգա, կհաղթի մրցակցին և փոքր-ինչ կբարելավի մրցաշարային իր վիճակը: Դա «Բորուսիայի» գլխավոր մարզիչ Յուրգեն Կլոպի սաների համար դժվարին, բայց լուծելի խնդիր է:
Այսօր Գերմանիայի առաջնությունում կկայանան նաև հետևյալ հանդիպումները`
«Բավարիա»-«Հոֆենհայմ»
«Շալկե-04»-«Վոլֆսբուրգ»
Մ. «Բորուսիա»-«Այնտրախտ»
«Մայնց-05»-«Ֆրայբուրգ»
«Հանովեր»-«Բայեր»
«Քյոլն»-«Հերտա»
Նոյեմբերի 23-ին`
«Համբուրգ»-«Վերդեր»
«Շտուտգարտ»-«Աուգսբուրգ»