Ֆուտբոլի Հայաստանի բարձրագույն խմբի առաջնության14-րդ տուրում «Փյունիկը» սեփական հարկի տակ անցկացրած խաղում 5:0 հաշվով հաղթեց «Միկային»: Երկուական գնդակ խփեցին Սեզար Ռոմերոն ու Նարեկ Ասլանյանը: Մեկ անգամ աչքի ընկավ Ռազմիկ Հակոբյանը: Մեքսիկացի Ռոմերոն մրցակիցների դարպսը գրավել է 15 անգամ և գլխավորում է առաջնության ռմբարկուների ցուցակը։
«Գանձասարը» հյուրընկալելիս 1:0 հաշվով հաղթեց «Արարատին»: 76-րդ րոպեին աչքի ընկավ ուկրաինացի հարձակվող Վասիլի Պալագնյուկը:
«Փյունիկը» վաստակել է 30 միավոր և 4 միավորով ետ է մնում առաջատար «Ուլիսից»: «Շիրակը» ունի 24, «Գանձասարը»՝ 18, «Միկան» ու «Ալաշկերտը»՝ 16-ական, «Բանանցը»՝ 13, «Արարատը»՝ 6 միավոր:
Տեխնիկական արդյունքներ
«Փյունիկ» - «Միկա»՝ 5:0
Նարեկ Ասլանյան, 15, 41, Սեզար Ռոմերո, 49, 56, Ռազմիկ Հակոբյան, 87
«Գանձասար» - «Արարատ»՝ 1:0
Վասիլ Պալագնյուկ, 76