Գերմանիայի ֆուտբոլի առաջնության 13-րդ տուրում նոյեմբերի 30-ին Հենրիխ Մխիթարյանի թիմը` Դորտմունդի «Բորուսիան», արտագնա հանդիպում կանցկացնի Ֆրանկֆուրտի «Այնտրախտի» հետ:
«Բորուսիան» դժվարին իրավիճակում է հայտնվել: Թիմի երկրպագուները դժգոհ են և պատրաստվում են ֆուտբոլիստներին սուլոցներով դիմավորել: Թիմի գլխավոր մարզիչ Յուրգեն Կլոպն էլ իր հերթին հայտնել է, որ այդ «համերգը» չի օգնի գործին:
Ինչևէ, դորտմունդցիների պաշտոնական կայքը ներկայացրել է թիմի հավանական մեկնարկային կազմը, որում տեղ է գտել նաև Հայաստանի հավաքականի կիսապաշտպան Հենրիխ Մխիթարյանը:
Ահա թիմի կազմը.
«Բորուսիա». Ռոման Վայդենֆելեր, Նևեն Սուբոտիչ, Մատս Հումելս, Լուկաշ Պիշչեկ, Մարսել Շմելցեր, Սվեն Բենդեր, Սեբաստիան Կել, Կևին Գրոսկրոյց, Սինձի Կագավա, Հենրիխ Մխիթարյան, Պիեր-Էմերիկ Օբամեյանգ:
