Գերմանիայի ֆուտբոլի բարձրագույն խմբի առաջնության 13-րդ տուրում Հենրիխ Մխիթարյանի թիմը` Դորտմունդի «Բորուսիան», Ֆրանկֆուրտում 0:2 հաշվով պարտվեց տեղի «Այնտրախտին»:
Հայաստանի հավաքականի կիսապաշտպանը «Բորուսիայի» մեկնարկային կազմում էր և խաղաց առանց փոխարինման: Մխիթարյանը նպաստավոր երեք պահ ունեցավ, սակայն կրկին չկարողացավ դառնալ գոլի հեղինակ:
Յուրգեն Կլոպի թիմը առաջնության վերջին 8 խաղում վաստակել է 4 միավոր: Այն անցկացրած 13 խաղից 8-ում պարտվել է: Դորտմունցիները 11 միավորով եզրափակում են մրցաշարային աղյուսակը, վերջին՝ 18-րդ տեղում են: Հավանական է, որ Կլոպը հրաժարական տա:
Տեխնիկական արդյունքներ
«Այնտրախտ» -Դոևտմունդի «Բորուսիա»՝ 2:0
Ալեքսանդր Մայեր, 5, Հարիս Սեֆերովիչ, 81