Շվեյցարիայի Նիոն քաղաքում ավարտվեց նաև Եվրոպայի մինչև 19 տարեկանների 2015-2016-ի առաջնության որակավորման փուլի վիճակահանությունը: Հայաստանի մինչև 19 տարեկանների հավաքականն ընդգրկվեց 12-րդ խմբում և կմրցի Չեխիայի, Սերբիայի և Էստոնիայի մինչև 19 տարեկանների հավաքականների հետ: Որակավորման փուլի խմբային մրցաշարն ընդունող երկիրը պարզ կդառնա ավելի ուշ, իսկ եզրափակիչ մրցաշարը կանցկացվի Գերմանիայում: Ընդհանուր առմամբ 52 թիմեր բաժանվեցին 13 խմբերի: Յուրաքանչյուր խմբից էլիտ-ռաունդ դուրս կգան 2-ական թիմեր, ինչպես նաև խմբերում երրորդ տեղ գրաված թիմերից մեկը, որը լավագույն արդյունքն է ցույց տվել խմբերից մեկի 2 լավագույն թիմերի հետ խաղերում: Այս փուլում նրանք կմիանան Իսպանիային: Էլիտ-ռաունդի հանդիպումները տեղի կունենան 2016 թ. գարնանը: Մասնակից 28 թիմերից եզրափակիչ մրցաշար դուրս կգան 7 թիմեր, որոնց կմիանա մրցաշարի կազմակերպիչ Գերմանիան:
Հայտնի են նաև Եվրոպայի մինչև 19 տարեկան ֆուտբոլիստների Հայաստանի հավաքականի մրցակիցները
