Սանկտ Պետերբուրգի «Տոսնո» ֆուտբոլային ակումբի ղեկավարությունը պաշտոնական հայտարարության է արել, որ թիմի ղեկը վստահվել է Ալեքսանդր Գրիգորյանին:
48-ամյա մասնագետի աշխատանքային պայմանագիրը երկու տարով է: Նախկինում հայ մասնագետը մարզել է «Նիժնի Նովգորոդ», «Խիմկի», «ԲՄԱ-Էներգիա», «Լուչ-Էներգիա» թիմերը:
Ի դեպ, Գրիգորյանը վերջին ակումբի ղեկավարության հետ վերջերս էր երկարաձգել աշխատանքային պայմանագիրը, սակայն տեղափոխվելու ժամանակ խնդիրներ չառաջացան:
«Տոսնոն» Ռուսաստանի առաջին խմբի ընթացիկ առաջնության 21 տուրերից հետո վաստակել է 40 միավոր և զբաղեցնում է երրորդ հորիզոնականը: