Ռուսաստանի ֆուտբոլի առաջնության 17-րդ տուրում Մոսկվայի «Սպարտակը» հյուրընկալելիս 2:0 հաշվով առավելության հասավ Եկատերինբուրգի «Ուրալի» նկատմամբ:
Հայաստանի հավաքականի հարձակվող Յուրա Մովսիսյանը տանտերերի թիմի մեկնարկային կազմում էր: Նա ոչնչով աչքի չընկավ և 56-րդ րոպեին խաղադաշտում տեղը զիջեց իր թիմակից Դենիս Դավիդովին։ Կիսապաշտպան Արազ Օզբիլիսը շարունակում է բուժել վնասվածքը և բացակայում էր: Հայաստանի հավաքականի մեկ այլ խաղացող ևս` Էդգար Մանուչարյանը, նույնպես վնասվածքի պատճառով բացակայում էր «Ուրալի» հայտացուցակից:
«Սպարտակը» 29 միավորով 6-րդ հորիզոնականում է, «Ուրալը» 13 միավորով 13-րդ տեղում է։
Տեխնիկական արդյունքներ
«Սպարտակ» - «Ուրալ»՝ 2:0
Խոսե Խուրադո, 63, Ռոմուլո, 85