Իսպանացի նախկին մրցավար Իտուրալդո Գոնսալեսը կարծում է, որ դեկտեմբերի 23-ին կայացած «Ռեալ»-«Բարսելոնա» հանդիպման ժամանակ մրցավարը ևս մեկը 11 մետրանոց պետք է նշանակեր Արքայական ակումբի դարպասին:
Խոսքը մասնավորապես վերաբերում է հանդիպման 31-րդ րոպեին սերուցքայինների պաշտպան Դանի Կարվախալի կողմից Խերարդ Պիկեյի նկատմամբ կանոնները խախտելու դրվագին, որն այդպես էլ վրիպեց մրցավարի աչքից:
«Բարսելոնայի» հաղթանակով (0:3) ավարտված հանդիպման մրցավարը Խոսե Մարի Սանչես Մարտինեսն էր: