Հենրիխ Մխիթարյանի թիմը՝ Դորտմունդի «Բորուսիան», Գերմանիայի ֆուտբոլի բարձրագույն խմբի առաջնության 15-րդ տուրի շրջանակում դեկտեմբերի 13-ին արտագնա խաղում կմրցի «Հերտայի» հետ:
Սեփական հարկի տակ «Բորուսիայի» նկատմամբ վերջին անգամ «Հերտան» հաջողության է հասել 2009-ին: Ուշագրավ է, որ վերջին երեք խաղերում տանը «Հերտային» չի հաջողվել ոչ մի գնդակ խփել դորտմունդցիների դարպասը: Իսկ ահա, «Բորուսիան» Բեռլինում անցկացրած վերջին 9 խաղից միայն մեկում է պարտվել «Հերտային», 2007-ի սեպտեմբերի 22-ին՝ 2:3 հաշվով: «Բորուսիան» 11 խաղում Բեռլինում գնդակ բաց չի թողել: Հետաքրքիրն այն է, որ Բեռլինում Դորտմունդի թիմի հետ անցկացրած խաղերում, երբ առաջին գոլը խփել է «Հերտան», ապա անպայման հաղթել է: Այս ակումբների համամարտությունում 10 անգամ «Հերտան» առաջինն է հաջողության հասել և բոլոր դեպքերում հաղթել է:
Այնպես որ, «Հերտա» - Դորտմունդի «Բորուսիա» խաղի ելքն անկանխատեսելի է:
