Ֆուտբոլի Գերմանիայի երիտասարդական թիմերի հարավարևմտյան գոտու առաջնության 16-րդ տուրում 16-ամյա Հայկ Գալստյանի թիմը` «Հոֆենհայմը», հյուրընկալվել էր «Կարլսրուեին»: Խաղն ավարտվեց 2:2 հաշվով:
Երևանի «Միկայի» մարզադպրոցի սան Գալստյանը խաղընկերոջը փոխարինեց 72-րդ րոպեին,իսկ հանդիպման ավարտից մեկ րոպե առաջ գրավեց մրցակցի դարպասը և փրկեց իր թիմին պարտությունից:
«Հոֆենհայմը» վաստակած 32-ական միավորով առաջին տեղում է: «Բավարիան» նույնպիսի ցուցանիշով երկրորդն է:
Երիտասարդ հայ ֆուտբոլիստը թիմի կազմում մասնակցել է 10 հանդիպման և դարձել 2 գոլի հեղինակ: Հավելենք, որ «Հոֆենհայմի» կազմում հանդես է գալիս նաև հարձակվող Դավիթ Ղազարյանը: