Մարոկկոյում ավարտվեց ֆուտբոլի աշխարհի 2014-ի ակումբային առաջնությունը: Եզրափակչում Մադրիդի «Ռեալը» 2:0 հաշվով հաղթեց արգենտինական «Սան Լորենցո» ակումբին և տիրացավ պատվավոր մրցանակին:
Կարլո Անչելոտիի թիմը 22-րդ անընդմեջ հաղթանակը տարավ բոլոր մրցաշարերում:
«Ռեալը» մրցաշարը սկսել էր կիսաեզրափակիչից՝ 4:0 հաշվով հաղթելով մեքսիկական «Կրուս Ասուլին»: Վերջինս երրորդ տեղի համար մրցամարտում հետխաղյա 11 մետրանոցների հարվածաշարով պարտվեց նորզելանդական «Օքլենդ Սիթիին» (հիմնական խաղաժամանակում գրանցվել էր 1:1 հաշիվը):
Թիմերի կազմերը.
«Ռեալ». Կասիլյաս, Կարվախալ (Արբելոա, 90+3), Պեպե, Ռամոս (Վարան, 89), Մարսելո (Կոենտրաու, 43), Կրոս, Իսկո, Խամես Ռոդրիգես, Բեյլ, Ռոնալդու, Բենզեմա:
«Սան Լորենցո». Տորիկո, Բուֆարինի, Յեպես (Կետո, 61), Կանեման, Մաս, Մերսիեր, Օրտիգոզա, Կալինսկի, Վերոն (Ռոմանյոլի, 57), Բարիենտոս, Կաուտերիցիո (Մաթոս, 68):
Տեխնիկական արդյունքներ
Մադրիդի «Ռեալ» – «Սան Լորենցո»` 2:0
Գնդակները խփեցին` Ռամոսը (37), Բեյլը (51)
