Վաղը կորոշվի Հայաստանի մինչև 14 տարեկան հանդբոլիստուհիների առաջնության հաղթողը: Այսօր եզրափակիչ փուլի մրցաշարի մասնակիցներն անցկացրին նախավերջին տուրի խաղերը:
Շենգավիթ- Քաջարան հանդիպումն մրցաշարում ամենագոլառատն էր: Դա նշանակում է, որ տեմպային խաղ էր, շատ գրոհներ ձեռնարկվեցին, իսկ գլխավորը` դրանք արդյունավետ եզրափակվեցին:
Շենգավիթցի հանդբոլիստուհիներն առավելության հասան 59:23 (32:10) հաշվով ու ևս մեկ քայլ կատարեցին չեմպիոնի կոչումը նվաճելու համար: Նրանք իրենց օգտին միայն հաղթանակներ են գրանցել: Իսկ ահա, Քաջարանի ընտրանին ավարտեց մրցաշարը, այդպես էլ չկարողանալով ճաշակել հաղթանակի բերկրանքը:
ԼՂՀ-ի և ԽՄՕՄՄ-ի հավաքականները մրցանակային տեղերի հավակնորդ են, այդ է պատճառ, որ այս թիմերի մրցավեճն անզիջում էր: ԽՄՕՄՄ-ի ներկայացուցիչներն առավելության հասան 22:15 (14:6) հաշվով:
Վաղը ԽՄՕՄՄ-ի թիմին լուրջ փորձություն է սպասում Շենգավիթի հավաքականի հետ խաղում:
Իսկ առաջինը խաղահրապարակ դուրս կգան ԼՂՀ-ի և Աջափնյակի թիմերը: