Երևանի տնտեսագիտական ինստիտուտի մարզասրահում ավարտվեց մինչև 14 տարեկան հանդբոլիստուհիների Հայաստանի առաջնության եզրափակիչ մրցաշարը: Պարգևները գտան տերերին:
Չեմպիոն դարձավ Շենգավիթի հավաքականը:
Առաջնության վերջին օրը շենգավիթցիները 4-րդ անընդմեջ հաղթանակը տարան` 44:26 (26:10) հաշվով առավելության հասնելով ԽՄՕՄՄ-ի ներկայացուցիչների նկտմամբ:
Ընդ որում, թիմը հուսալի դարպասապահի խնդիր ունի:
Ուշագրավ է, որ դարպասում տեղ էր զբաղեցրել Էլեն Աբրահամյանը, որն ընդամենը 11 տարեկան է: Նա թիմի առաջատար խաղացող Յանա Աբրահամյանի կրտսեր քույրն է: Հետաքրքիրն այն է, որ Էլենը կարողությունները ներածին չափով կատարեց իր պարտականությունը, հետո էլ դարձավ խաղահրապարակի հանդբոլիստուհի:
Այս մարզաձևում դա թույլատրելի է: Պարզապես, խաղացողը պետք է հանդերձանքով տարբերվի մյուսներից` առանց համարանիշի մարզաշապիկ կրի:
Կրկին վերելքով հանդես եկավ Շենգավիթի հավաքականի ռմբարկուն` Շուշանիկ Եսայանը, որը 18 գնդակ խփեց մրցակցի դարպասը: Ի դեպ, նա ճանաչվեց մրցաշարի լավագույն ռմբարկու: Լավագույն խաղարկողը նրա թիմակից Յանա Աբրահամյանն է, իսկ լավագույն դարպասապահը` Աջափնյակի ներկայացուցիչ Էլեն Ոսկանյանը: Ուշադրության կենտրոնում էր նաև ԽՄՕՄՄ-ի դարպասապահ Աստղիկ Բեյլերյանը: Նա 12 տարեկան է և հեռանկային մարզուհի:
Վերջին օրն Աջափնյակի ընտրանին 28:16 (11:8) հաշվով առավելության հասավ ԼՂՀ-ի հավաքականի նկատմամբ և իր համար ապհովեց 2-րդ տեղը;
Այսպիսով, հավաքականները տեղաբաշխվեցին այսպիսի հերթականությամբ` 1. Շենգավիթ` 8 միավոր, 2. Աջափնյակ (6), 3. ԽՄՕՄՄ (4), 4. ԼՂՀ (4), 5. Քաջարան (0):
Հանդիսավորությամբ կատարվեց առաջնության փակման արարողությունը: Մրցանակիրներին հանձնվեցին մեդալներ:
