Որպես կանոն, WBO վարկածով գերմիջին քաշային կարգի պրոֆեսիոնալ բռնցքամարտիկների աշխարհի չեմպիոն Արթուր Աբրահամն ամեն հաջողությունից հետո Երևան է գալիս, որպեսզի մտերիմների շրջապատում նշի ուրախությունը: Եվ ահա, սեպտեմբերի 27-ին նա, պարտության մատնելով բրիտանացի Պոլ Սմիթին, պաշտտպանել էր տիտղոսը և կրկին Հայաստան այցելել:
Այսօր Արթուրը հանդիպելով լրագրողներին չթաքցրեց, որ վերջին մրցամարտի իր հակառակորդը շատ ուժեղ հարվածներ է հասցրել: Հանդիպումն ընթացել է նախատեսված ծրագրով, այդուհանդերձ հայ բռնցքամարտիկն այնքան էլ գոհ չէ իր մրցելույթից: «Մարզիչս շատ ավելի գոհ էր, քան ես: Կուզեի կրկին մենամարտել, բայց այդ հարցով պետք է պրոմոութերները զբաղվեն»,- ասաց նա:
Գերմանաիայում մարզվող և մրցելույթներ ունեցող մեր հայրենակիցը տեղեկացրեց, որ հաջորդ մրցամարտը հավանաբար կանցկացնի հունվարի վերջին: Նա պատրաստ է նաև կրկին ռինգում հանդիպել Պոլ Սմիթի հետ:
Արթուրը տեղեկացրեց, որ առաջիկայում ամուսնանալու է, թեև օրը դեռ որոշված չէ:
