Հայաստանի երկու մարմնամարզիկ դեկտեմբերին կմասնակցի ԱՄՆ-ում կազմակերպվելիք միջազգային մրցաշարին, որում կվիճարկվեն օլիմպիական խաղերի եռակի չեմպիոն Ալբերտ Ազարյանի մրցանակները: Անվանի մարմնամարզիկն այս տարի դարձել է 85 տարեկան:
Նախաձեռնողն Ազարյանի որդին` 1980-ին Մոսկվայում կայացած օլիմպիական խաղրի չեմպիոն Էդուարդ Ազարյանն է, որը վերջին տարիներին բնակվում և աշխատոմ է Լոս Անջելեսում: Նա հիմնել է Ազարյանների մարմնարզության ակումբ:
Միջազգային մրցաշարին կմասնակցեն 30-ից ավելի երկրների առաջատար մարմնամարզիկներ:
Նախատեսվում է, որ Հայաստանն այդ ստուգատեսում կներկայացնեն հենացատկերի Եվրոպայի երիտասարդների չեմպիոն Արթուր Դավթյաննը և նժույգթափերի Եվրոպայի առաջնության կրկնակի բրոնզե մեդալակիր Հարություն Մերդինյանը: