Ալմաթիում շարունակվող ծանրամարտի աշխարհի առաջնությունում 63 կգ քաշային մարզուհիների B խմբի մրցաշարում պայքարն ավարտեցին 14 մասնակցիները:
Հայաստանը ներկայացնող 19-ամյա Իզաբելա Յայլյանը երկամարտի 207 (97 +110) կգ արդյունքով զբաղեցրեց 7-րդ տեղը: C խմբում հանդես եկած 22-ամյա գյումրեցի Քրիստինե Պետրոսյանը երկամարտի 189 (87+102) կգ ցուցանիշով առայժմ 22-րդ հորիզոնականում է:
Իսկ B խմբում 239 (108+ 131) կգ արդյունքով առաջին տեղը գրավեց ռուսաստանցի 19-ամյա ծանրորդուհի Նադեժդա Լիխաչյովան:
Աշխարհի չեմպիոնուհին հայտնի կդառնա նոյեմբերի 13-ին, երբ պայքարը կավարտեն A խմբի մարզուհիները: Դրանից հետո կհստակեցվի, թե Յայլյանն ու Պետրոսյաննը վերջնականորեն ո՞ր տեղերն են զբաղեցրել:
