2017-ի ծանրամարտի աշխարհի առաջնությունը կանցկացվի Մալայզիայի Պենանգ քաղաքում: Որոշումն ընդունվել է Ղազախստանի Ալմաթի քաղաքում կայացած Ծանրամարտի միջազգային ֆեդերացիայի գործկոմի նիստում:
Մալայզիան մրցապայքարում հաղթել է այդ ստուգատեսի մասնակիցներին նույնպես հյուրընկալել ցանկացող Բելառուսի, Թուրքիայի, Ուզբեկստանի ներկայացուցիչներին:
Հիշեցնենք, որ 2015-ի աշխարհի առաջնությունը, ինչպես այս տարվա առաջնությունը, նույնպես 2016-ի օլիմպիական խաղերի համար վարկանիշային է և նոյեմբերի 20-29-ը կկայանա ԱՄՆ-ի Հյուսթոն քաղաքում:
Հավելենք նաև, որ 2016 թ մեծահասակների աշխարհի առաջնություն չի անցկացվելու, քանի որ Բրազիլիայի Ռիո Դե ժանեյրո քաղաքում անցկացվելու են հերթական ամառային օլիմպիական խաղերը:
