Երևանի «Գրանդ սպորտ» մարզադահլիճում անցկացվեց «Գրանդ սպորտ» ակումբի բասկետբոլի բաց առաջնությունը, որին մասնակցեցին մինչև 13 տարեկան խաղացողները:
Պայքարի ոլորտ էր ներգրավվել չորս թիմ` «Գրանդ սպորտի», Արաբկիրի, Շենգավիթի և Աջափնյակի մարզադպրոցների հավաքականները:
Եռօրյա պայքարից հետո առաջին տեղը գրավեց Արաբկիրի մարզադպրոցի թիմը (մարզիչ՝ Արեգ Վաթյան): Ապա հաջորդեցին Շենգավիթի, «Գրանդ սպորտի», Աջափնյակի ներկայացուցիչները:
Հավելենք, որ Արաբկիրի թիմը վերջերս հաղթել էր նաև Բաթումում կայացած միջազգային մրցաշարում:
