Երևանում ավարտվեց տղամարդկանց վոլեյբոլի Հայաստանի ֆեդերացիայի գավաթի խաղարկությունը:
3-րդ տեղի համար խաղում Եղեգնաձորի ընտրանին 3:2 հաշվով առավելության հասավ «Դինամո-Նոր-Նորքի» նկատմամբ: Հայաստանի 9-ակի չեմպիոն ՖԻՄԱ-ն (մարզիչ՝ Կարեն Ասմարյան) 3:0 հաշվով հաղթեց ԽՄՕՄՄ-ին:
Տղամարդկանց մրցաշարի լավագույն վոլեյբոլիստ ճանաչվեց ՖԻՄԱ-ի խաղացող Աշոտ Բալաբեկյանը, լավագույն հարձակվող՝ Անդրանիկ Մանուչարյանը (ԽՄՕՄՄ), լավագույն կապակցող՝ Գևորգ Գասպարյանը (ԽՄՕՄՄ):
Հաղթող թիմը պարգևատրվեց գավաթով, լավագույն մարզիկները ստացան հատուկ մրցանակներ: