Իսպանիայի առաջության 21-րդ տուրում «Բարսելոնան» 2:1 հաշվով կամային հաղթանակ տարավ «Ալավեսի» նկատմամբ, որը մինչև հանդիպման 71-րդ րոպեն հաղթում էր կատալոնացիներին:
Կատալոնական գրանդին հաղթանակ պարգևեցին Լուիս Սուարեսի և Լեոնել Մեսսիի գոլերը:
Այս հաղթանակը և Մեսսի-Սուարես զույգի գոլերը ռեկորդային էին:
Արգենտինացին ու ուրուգվայցին կարողացան 5 տուրում միասին դառնալ 13 գոլի հեղինակ՝ կրկնելով 20-րդ դարի 30-ականների ռեկորդը, որը պատկանում է «Ատլետիկի» ֆուտբոլիստներ Իրարարագորիին և Գորոստիսին:
Իսպանիայի ընթացիկ առաջնության 21 տուրերի ընթացքում «Բարսելոնան» պարտություն չի կրել: Սա իր հերթին 2009/10 թվականների Պեպ Գվարդիոլայի թիմի ռեկորդի կրկնությունն է: