«Հայաստան» մարզական միության Երևանի «Սպարտակ» մարզասրահում անցկացվեց սեղանի թենիսի բաց մրցաշար, որում կարողությունները փորձեցին Երևանի, Գյումրիի, Վանաձորի, Արցախի 100-ից ավելի մարզիկ-մարզուհիներ:
Մրցեցին ավագ և կրտսեր տարքի մարզուհիները և մարզիկները:
Ավագ տարիքի մարզուհիների մենախաղերում հավասարը չունեցավ երևանցի Հասմիկ Խաչատրյանը:
Մարզիկների մենախաղերում մրցակցությունից դուրս էր երևանցի Մեսրոպ Ղուկասյանը:
Մինչև 15 տարեկան պատանիների պայքարում աչքի ընկավ Երևանի Արաբկիրի մարզադպրոցի սան Մելքոն Հովհաննիսյանը: Աղջիկների մրցավեճում ուժեղագույն ճանաչվեց երևանցի Էլեն Բաղչաջյանը:
Սեղանի թենիսիստների համար մրցաշրջանն ավարտված չէ: Դեկտեմբերի 19-21-ը «Սպարտակ» մարզասրահում զուգահեռ կկայանան Գեղամ Վարդանյանի և Հարության Հակոբյանի հուշամրցաշարերը:
Պատանիները կվիճարկեն Վարդանյանի, մեծահասակները՝ Հակոբյանի հուշամրցաշարի պարգևները: