Հենրիխ Մխիթարյանը անհամբերությամբ է սպասում իր նոր ակումբում՝ «Արսենալում», նորամուտին: Նա նշել է նաև, որ վաղուց է ծանոթ Արսեն Վենգերի հետ, դրա համար կասկածներ չուներ «Մանչեսթեր Յունայթեդից» տեղափոխության ժամանակ:
«Կարևոր է, որ մարզիչը հարգի քեզ: Վենգերը պահանջկոտ մարզիչ է, և նրան դուր է գալիս, երբ ֆուտբոլիստը որևէ նոր կողմ է բացահայտում իր մեջ: Նա պատճառներից մեկը դարձավ, որ ես տեղափոխվեցի «Արսենալ»: Բոլորը գիտեն, որ Վենգերը հիանալի մասնագետ է: Կարծում եմ, որ «Արսենալի» ֆուտբոլը երազանք է այն ֆուտբոլիստների համար, ովքեր նախընտրում էն հարձակողական ֆուտբոլը»-ասել է Մխիթարյանը: