Ուկրաինայում մայիսի 25-ին կայացած նախագահական ընտրություններում հաղթած Պյոտր Պորոշենկոն շաբաթ առավոտյան հավատարմության երդում տվեց ուկրաինացի ժողովրդին և դարձավ անկախ Ուկրաինայի հինգերորդ նախագահը:
Արարողության համաձայն՝ Կենտրոնական ընտրական հանձնաժողովի ղեկավար Միխայիլ Օխենդովսկին կարդաց Պորոշենկոյի՝ նախագահ ընտրվելու մասին հանձնաժողովի որոշումը: Դրանից հետո Ուկրաինայի Սահմանադրական դատարանի նախագահ Յուրի Բաուլինն ընդունեց Պորոշենկոյի երդումը: Այդ պահից ի վեր նա համարվում է պաշտոնի անցած նախագահ:
