«Հայացք» թերթը գրում է. «Հայաստանի կառավարությունն ասես գիշեր ցերեկ մտածում է միայն մի ուղղությամբ. է՛լ ինչից, է՛լ ումից, է՛լ ինչպես հարկեր պոկի: Ինչ-որ մի խելոք` նոր բան է մոգոնել:
Կառավարությունը նոր օրինագիծ է պատրաստում: Առաջիկայում դրա ձայնը կլսենք, քանի որ չտեսնված, չլսված բան է: Ըստ նոր օրինագծի` 2014 թվականից կմտցվի նոր հարկ՝ շահութաբաժնի հարկ: Թե փոքր, թե միջին ու խոշոր բիզնեսը, բոլոր ձեռնարկությունները օրենքով սահմանված հարկերը մուծելուց հետո եւս 5% հարկ են մուծելու իրենց շահութաբաժնից:
Աշխարհում չկա մի պետություն, որ իր քաղաքացու հարկերը հավաքելուց հետո հարկի նաեւ շահութաբաժինը (դիվիդենտները):
Այս անօրեն օրինագիծը ճիշտ կլինի անվանել «վերջնական արտագաղթման» օրինագիծ»: