Ինչպես հաղորդում է Ռիա Նովոստի գործակալությունը, Փարիզում երկու զինված մարդ ներխուժել են Charlie Hebdo երգիծական շաբաթաթերթի խմբագրություն: Կալաշնիկով ավտոմատներով ու ականանետով զինված չարագործները ներխուժել են խմբագրություն, որտեղից փոխհրաձգություն է սկսվել նրանց ու ժամանած ոստիկանների միջեւ: Փոխհրաձգության արդյունքում զոհվել է 10 մարդ, 5 մարդ ծանր վիրավորվել է: Այնուհետեւ, վրաերթի ենթարկելով անցորդին, չարագործները դիմել են փախուստի:
Charlie Hebdo շաբաթաթերթը հայտնի է իր երգիծական սուր հոդվածաշարերով, բացի այդ մի քանի անգամ հրապարակել է Մուհամեդի ծաղրանկարները:
Հիշեցնենք, որ 2011թ.-ին թերթի խմբագրությունը հրդեհվել էր, իսկ խմբագրության կայքը՝ ջարդվել: