Ինչպես հաղորդում է tvzvezda.ru լրատվական կայքը, Մարիուպոլում շարունակվում է մասսյական հրետակոծությունը, ինչի հետեւանքով Օլիմպիսկայա թաղամասում սպանվել է 20 խաղաղ բնակիչ:
Այդ մասին հայտնել է մարզային ոստիկանության պետ Վյաչիսլավ Աբրոսկինը, նշելով, որ Մարիուպոլի Կիեւսկայա ու Օլիմպիսկայա փողոցների բանուկ հատվածում իրականացված հրետակոծության հետեւանքով զոհվել է 20 խաղաղ բնակիչ, վիրավորվել 46 մարդ, որոնց տեղափոխել են քաղաքային հիվանդանոց: Վիրավորների թվում է նաեւ 12-ամյա մի երեխա:
Քաղաքի ոստիկանությունը ստեղծել է օպերատիվ-հետախուզական խումնբ՝ դեպքի հանգամանքները ճշտելու համար:
Դեպքի վայր են ժամանել մի քանի շտապօգնության մեքենաներ, իսկ վերոհիշյալ շրջաններում անջատվել են խմելու ջուրն ու Էլեկտրաէներգիան, չեն գործում կապի միջոցները:
Հրետակոծության ընթացքում արկերից մեկն ընկել է շուկայում, որի հետեւանքով զոհվել է մի ողջ ընտանիք:
Դոնեցկի աշխարհազորայինների տեղեկությունների համաձայն վերոհիշյալ բնակելի թաղամասերը սխալմամբ հրետակոծել են Ուկրաինական ուժայինները: