Ինչպես տեղեկացնում է Ռիա Նովոստի գործակալությունը, Նանտում ու Թուլուզում ոստիկանության դաժանությունների դեմ ուղղված բողոքի ցույցի ընթացքում նոր բախումներ են տեղի ունեցել:
Ոստիկանության գնահատականներով փողոց են դուրս եկել շուրջ 800 ցուցարարներ: Ցուցարարների մեծ մասը եղել են երիտասարդներ, որոնք ոստիկանության դեմ օգտագործել են քարեր եւ փայտե մահակներ:
Ցուցարարները փողոց են դուրս եկել դրոշներով ու պաստառներով: Բախումների ընթացքում վիրավորվել է մեկ իրավապահ, ոստիկանությունը ձերբակալել է մի քանի ցուցարարների: Նրանցից մեկի նկատմամբ քրեական գործ է հարուցվել անօրինական զենք կրելու մեղադրանքով:
