ТВЦ հեռուստաընկերությունը հրապարակել է Մոսկվայի կենտրոնում առկա տեսանկարահանող սարքերի տեսագրությունը, որտեղ արձանագրվել է նաեւ ՌԴ ընդդիմադիր քաղաքական գործիչ Բորիս Նեմցովի սպանության պահը: Հանցագործության պահն արձանագրվել է, թեեւ տեսագրության որակը բարձր չէ, երեւում են անցնող մեքենաները եւ մարդկանց ուրվապատկերները:
Հիշեցնենք, որ Մոսկվայի կենտրոնում փետրվարի 28-ին՝ կեսգիշերին սպանվել էր 55-ամյա ՌԴ քաղաքական գործիչ, ընդդիմադիր Բորիս Նեմցովը: Քաղաքական գործչի ուղղությամբ արձակվել էր առնվազն 7 կրակոց:
