Ամերիկյան Exxon Mobil կորպորացիան հայտարարել է, որ դուրս է գալիս «Ռոսնեվթ»- ի հետ իրականացվող նավթի տեղակայման գոտիների հայտնաբերմանն ուղղված բոլոր համատեղ ծրագրերից: Պատճառը հակառուսական պատժամիջոցներն են: Ինչպես հայտնում է DW-ն, այսպիսի որոշում ընդունելու համար Exxon-ը հղում է անում ԵՄ-ի և ԱՄՆ-ի կողմից դեռևս 2014-ին ՌԴ-ի դեմ կիառվող պատժամիջոցների վրա:
Exxon-ի ղեկավարությունը հայտնել է, որ ընդհանուր ծրագրերից դուրս գալու գործընթացը կսկսվի 2018-ին: «Ռոսնեվթ»-ը դեռ որևէ մեկնաբանություն չի տվել այս կապակցությամբ:
Նշենք, որ Exxon-ը «Ռոսնեվթ»-ի հետ համագործակցելու համար արդեն իսկ վճարել էր 2 մլն ԱՄՆ դոմարի չափով տուգանք:
