Մարտի 14-ին տեղի ունեցան Չեմպիոնների լիգայի 1/8 եզրափակիչի վերջին երկու հանդիպումները: Հանդիպումներից մեկն էլ տեղի ունեցավ Կամպ Նոու մարզադաշտում, որտեղ միմյանց դեմ դուրս եկան «Բարսելոնան» և «Չելսին»:
Դեռ հանդիպումը չսկսված երկրպագուները կատալոնական գրանդի ֆուտբոլիստներին դիմավորեցին «Աստված, պահպանիր արքային» գրառումով հսկայական պաստառով:
Բարդ չէ գուշակել, որ թագավորը կատալոնական ակումբի առաջատար Լեոնել Մեսսին է, ով հանդիպման ընթացքում դուբլի հեղինակ դարձավ՝ երկու անգամ գնդակն անցկացնելով հյուրերի դարպասապահի ոտքերի արանքով: Մեկ գոլի հեղինակ էլ Մեսսի փոխանցումից հետո դարձավ Ուսման Դեմբելեն:
Հանդիպումն ավարտվեց 3:0 հաշվով և «Բարսելոնան» շարունակում է պայքարը:
