Այսօր Մեծ Բրիտանիայում իր աշխատանքն է սկսել առաջին «սոցիալական սուպերմարկետը»՝ գրում է The Guardian-ը:
Եթե Բարնսլիի արվարձանում «սոցիալական սուպերմարկետը» հաջողությամբ գործի, ապա նման խանութներ կբացվեն նաև այլ շրջաններում:
Սուպերմարկետը բրիտանական խոշորագույն ռիթեյլերի՝ Company Shop-ի դուստր ընկերությունն է:
Սուպերմարկետից գնումներ կկարողանան անել միայն սահմանափակ թվով մարդիկ, որոնք ապրում են որոշակի տարածքներում ու ստանում են նյութական օգնություն:
«Սոցիալական սուպերմարկետում» գնումներ կատարող մարդիկ կստանան ոչ միայն առավել էժան մթերք, այլև ֆինանսական ու սոցիալական աջակցություն, որը ներառելու է վարկային խորհրդատվություններ, խոհարարական հմտությունների ուսուցում ու ընտանեկան բյուջեի վարում:
Company Shop-ը հուսով է նման սուպերմարկետներ բացել նաև Լոնդոնում, եթե նախագիծը հաջողությամբ գործի:
