Ռուսաստանի վարչապետ Դմիտրի Մեդվեդեւը հայտարարել է, որ Ռուսաստանը պատրաստ է բանակցել Եվրամիության հետ՝ կապված «Հարավային հոսքի» հետ:
Մոսկվան ստացել է Եվրահանձնաժողովի պաշտոնական նամակը՝ «Հարավային հոսքի» խողովակաշարի կառուցման պայմանագրերը վերանայելու անհրաժեշտության վերաբերյալ: Եվրահանձնաժողովը կարծում է որ խողովակաշարի վերաբերյալ Ավստրիայի, Բուլղարիայի, Հունգարիայի, Հունաստանի, Սլովենիայի, Խորվաթիայի ու Սերբիայի հետ երկկողմ համաձայնագիրը խախտում է ԵՄ օրենսդրությունը: Բրյուսելը ակնկալում է դրանց վերանայումը:
Մեդվեդեւը նշել է, որ Մոսկվան պատրաստ է երկխոսության իր եվրոպական գործընկերների հետ՝ փոխադարձ լուծումներ գտնելու: Այս մասին հաղորդում է «ՌԻԱ Նովոստի»-ն: