Թղթադրամների միջազգային հանրությունը (IBNS) 2017 թվականի աշխարհի ամենագեղեցիկ թղթադրամ ճանաչել է շվեյցարական 10 ֆրանկանոց թղթադրամը: Այս մասին ասված է կազմակերպության կայքում:
Լավագույն թղթադրամն ընտրելիս մասնագետները կարևորել են դրա դիզայնը, գեղարվեստական արժեքը, գույների համադրությունը, բալանսը և այլն: Բացի դրանից, կարևոր նշանակություն է ունեցել նաև թղթադրամի հուսալիությունը՝ թե որքանով է այն պաշտպանված կեղծվելուց:
Երկրորդ հորիզոնականում հայտնվել է շոտլանդական 10 ֆունտանոց թղթադրամը, որին հաջորդում է կանադական 10 դոլարանոցը:
