Կուտակային կենսաթոշակների մասին նոր օրենքի դեմ պայքարող «Դեմ եմ» թիմի անդամները համացանցում տեղադրել են սոցիալական հոլովակ, որի միջոցով հասարակությանը իրազեկում են 2014թ. հունվարի 1-ից ուժի մեջ մտնող կենսաթոշակային նոր համակարգի մասին: Հոլովակում ընդգրկված են կենսաթոշակների դեմ ակցիաներից կադրեր, իսկ առավել ակտիվ անդամները հասարակությանը կոչ են անում միանալ իրենց նախաձեռնությանը:
Հիշեցնենք, որ կուտակային կենսաթոշակների դեմ պայքարող նախաձեռնության անդամները պահանջում են չեղյալ հայտարարել 2014թ. հունվարի 1-ից ուժի մեջ մտնող կենսաթոշակների մասին նոր օրենքի պարտադիր բաղադրիչը, որով նախատեսվում է յուրաքանչյուր քաղաքացու ամսական աշխատավարձից 5% պարտադիր հատկացում կուտակային կենսաթոշակային հիմնադրամներին: