Գործարար մարդիկ հաճախ են բախվում այն իրավիճակին, երբ շտապ հարկավոր է գործընկերներին ուղարկել կարևոր փաստաթղթի սքանավորված տարբերակը, սակայն սքաներ մոտակայքում չկա:
Սարքն անծանոթ քաղաքում որոնելու անհրաժեշտությունից կազատի գնդիկավոր գրիչը, գրում է style.rbc.ru-ն:
Գրիչը մի կողմով գրում է, մյուսով՝ սքանավորում. հենց նման գործառույթներ ունի այդ յուրահատուկ գրենական պիտույքը:
Գրիչի «չգրող» վերջավորությունն ունի 5 մեգապիքսելանոց սենսոր ու բարձր ճշգրտության ավտոմատ ֆիքսող լինզա:
Սարքը ի վիճակի է թվայնացնել ցանկացած փաստաթուղթ: Գրիչ-սքաները հագեցած է 1 գիգաբայթ ներկառուցված հիշողությամբ ու դիկտոֆոնով:
Սարքն ունի USB մուտք, այնպես որ թվային պատկերն ու ձայնային ձայնագրությունները հնարավոր է տեղափոխել ցանկացած սարքի վրա:
Սարքն արժե 125 դոլար:
