Իսրայելցի Յակոբ Էյխբաումը ներկայացրել է աշխարհում առաջին կիսաթափանցիկ էկրանով պլանշետի նախագիծը:
Հեղինակի կողմից Grippity անվանումն ստացած պլանշետն ունի 7 դյույմ տրամագծով եւ 800x480 կետայնությամբ կիսաթափանցիկ էկրան: Բացի այդ, դիսփլեյը սենսորային երկկողմանի մուտքագրման հնարավորություն ունի, այսինքն՝ հետնամասը եւս կարող է սարքը կառավարելու նպատակով օգտագործվել:
Կիսաթափանցիկ էկրանի օգնությամբ օգտվողը կարող է ազատ հետեւել սարքի հետին կողմում մատների շարժումներին:
Grippity –ն ունի նաեւ Cortex-A8 պրոցեսոր, 4 գբ ծավալով հիշողության քարտ, SD-քարտի տեղ, Wi-Fi եւ Bluetooth, ինչպես նաև ինֆրակարմիր հաղորդիչ՝ կենցաղային տեխնիկայի կառավարման համար:
Որպես օպերացիոն համակարգ կկիրառվիAndroid 4- ը, չի բացառվում, որ դա լինի Android 4.4 KitKat-ը:
Grippity-ի թողարկումն սկսելու համար 200 հազար դոլար կպահանջվի, որը արտադրողները մտադիր են հավաքել 30 օրում՝ Kickstarter կայքով: Եթե հաջողվի, կիսաթափանցիկ պլանշետը շուկայում կհայտնվի 2014թ. աշնանը: Հաղորդվում է, որ առաջին օրերին նախագիծը 22 հազ. դոլարից ավելի աջակցություն է ստացել:
www.news.am