Ֆրանսիայի նախագահ Ֆրանսուա Օլանդը կոչ է արել Եվրոպական միությանը մշտական հիմնադրամ ստեղծել, որը կֆինանսավորեր չնախատեսված միջամտություններն ու խաղաղապահ առաքելություններն այլ երկրներում ստեղծված ճգնաժամային պայմաններում։
Ինչպես հայտնում է Al Arabiya-ն, նախագահն այս առաջարկն անելու է նաև գալիք շաբաթ Բրյուսելում։
«Մեզ հարկավոր է մշտական եվրոպական հիմնադրամ, այլ ոչ ամեն մի օպերացիայի համար ստեղծված առանձին հիմնադրամ»,-ասել է Օլանդը։
Այս կապակցությամբ նա բերել է Կենտրոնաֆրիկյան Հանրապետության օրինակը՝ նշելով, որ Ֆրանսիան 1.600 զինվոր է ուղարկել ԿԱՀ, որպեսզի երկրում մարտին տեղի ունեցած հեղաշրջումից հետո կարգուկանոն հաստատվի։